Hoʻākea Source Nā Moho Lanakila (MH 2024)

ʻO Bradley Capello kekahi mea hana noʻeau a he mea hoʻonohonoho ʻo ia, a ke noho nei ʻo ia ma Kaimukī, Kona, Oʻahu. Ua hānau ʻia ʻo ia i Waialua, Oʻahu, a ma laila a ma Los Angeles hoʻi ʻo ia i hānai ʻia ai. Pili kā Capello hana i ke aloha a me ke kuko, ka pule me ka hoʻomana, ka puni leʻa me ke kāohi, ke kapu me ka noa. Me kona mahalo i nā mea i hoʻomākaukau ʻē ʻia a me kona puni naʻe i nā mea keu he ʻano ʻākala ʻōlinolino, hoʻokino ʻia kāna hana ma ke ʻano he kūkulu i pili i kona ʻāina noho ma o ke kālai, ka hoʻā kukui, me ka hoʻokani. Ua hoʻokomo ʻia kā Capello hana ma nā hōʻikeʻike a ka Hale Hōʻikeʻike Hana Noʻeau o Honolulu, Spalding Hale, Ko Hawaiʻi Hale Hōʻikeʻike Hana Noʻeau Mokuʻāina, SPF Projects, Aupuni Space, a he mea hana noʻeau ʻo ia i kālele ʻia ma ka Honolulu Biennial i ka MH 2019.

ʻO Madelyn Biven, he Kanaka Maoli ʻo ia, a he mea hulahula, he haku hulahula, a he kupa hoʻi no Waimānalo, Koʻolaupoko, Oʻahu. I loko nō o kona pilina me “Nalo,” ua hānai ʻia ʻo ia ma nā kapakai ʻelua o ʻAmelika. ʻO kona neʻe ʻana mai kēlā ao i kēia ao, he hiʻona nui ia o kona ola. Ua lilo hoʻi ka neʻena i hiʻona nui ona. Hoʻopilipili ʻo ia i nā moʻomeheu o nā ʻano hulahula like ʻole, e laʻa ka hula, ka bālē, a me ka hulahula kūikawā. Ua hulahula ʻo ia ma ka Honolulu Biennial, Oʻahu Fringe Festival, Peiling Kao Dances, Maui Dance Festival, a me CONTACT Hawaiʻi. Ua hōʻike ʻia kāna hana ma nā hōʻikeʻike hui ma Aupuni Space, Downtown Arts Center, Ko Hawaiʻi Hale Hōʻikeʻike Hana Noʻeau Mokuʻāina, a me ka Hale Hōʻikeʻike Hana Noʻeau o Honolulu. Ke aʻo aku nei ʻo ia i ka pālē a he mea hulahula ʻo ia ma Club 939.

I ka waena o nā makahiki 2010 i launa mau ai ʻo Madi me Bradley kekahi i kekahi ma ko lāua wā e hana pū ana ma ka Hale Hōʻikeʻike Hana Noʻeau o Honolulu. Ua hihia koke ka mākau o ka lawaiʻa, a ʻo ko lāua hana koke pū akula nō ia—ma o nā ʻano mea hana noʻeau nui e komo ai ke kanaka, nā hulahula hoʻokino, nā wikiō ʻano ʻē, a me nā pāʻina a nā hālau hana noʻeau i mālama ai, nā hālau hana noʻeau hoʻi nāna i kono ʻoluʻolu mai iā lāua, i hāʻawi mai i wahi no lāua e hana hemahema ai, a i ʻāpono i ka ʻike ʻōmaka a me ka hoʻokani ʻana i nā mele leo nui. I nā makahiki i hala, ua nui aʻe ko lāua aloha, a ua laha aʻe hoʻi ko lāua mau hui hoa aloha me ka pili kuʻikahi ʻana o kekahi hui i kekahi, a i kekahi manawa, ua nahā naʻe, a loli ke ʻano, a loli ka waihoʻoluʻu, a ua lele ia hui i wā ʻē aʻe. ʻO ka mole naʻe o ia pilina, ua queer nō i like me nā manaʻo wehewehe no ia huaʻōlelo i kēlā me kēia wā, ʻo ia hoʻi ke kūʻē me ka hulikua ʻana i nā nohona i hoʻomaʻamau ʻia a me ka hana waeʻano ʻana, a ʻo ka hopena o ia pilina, ʻo ia nō ka mahalo ʻana i nā kūpuna a me nā kumu waiwai hiwahiwa me ka hoʻopilipili ʻana he ʻoiaʻiʻo a he hoʻolauleʻa, a me ka hoʻoleʻaleʻa ʻana ma nā wahi ʻano ʻē, kahi a Bradley me Madi e hoʻokumu mai ai, kahi hoʻi e māhuahua ai ka leʻaleʻa, ka papana, ka linolino, ka moemoeā/nohona me he mea lā, e mau loa ana kēia ʻano wahi o lāua. 🌀