Hoʻākea Source Nā Moho Lanakila (MH 2024)

Ke Ala Mōʻali

Kamaliʻikūpono Hanohano
Moho Lanakila No Ka MH 2024

Ua hoʻokumu mua ʻia ʻo Pāuhi i ka MH 1990 e Suluʻape Keone Nunes i mea e hoʻōla a e hoʻomau ʻia ai ke kākau uhi Hawaiʻi. Mai ia makahiki aku, ua hele nō a laha iki ke kākau uhi ma nā wahi ʻōiwi. I loko nō o kona laha hou ʻana aʻe, ʻo kekahi o nā mea e pilikia nei ke kaiaulu, ʻaʻole nui nā kānaka i hiki ke huakaʻi no ke kākau uhi ʻia ʻana. He ʻuʻuku ka nui o nā kāhuna kākau uhi, a noho lākou a pau ma Oʻahu. He kākoʻo kēia papahana i ke kahukahu ʻana i ko lākou pilina me nā mokupuni ʻē aʻe, ʻo ia hoʻi ka hoʻomaʻalahi ʻana i ko lākou kākau uhi ʻana ma nā mokupuni ʻehā ma waho aʻe o Oʻahu.

---

ʻO Kamaliʻikūpono Hanohano, he mea kākau uhi Hawaiʻi ʻo ia, a kūpaʻa ʻo ia i ka hoʻōla me ka hoʻomau ʻana i ke kākau uhi kapu. Ua aʻo ʻia mai ʻo ia e Suluʻape Keone Nunes, ka i hoʻokumu iā Pāuhi no kekahi kekeke a ʻoi aku, a mai ko ia nei ʻūniki ʻana aku ma lalo o Nunes i ka MH 2019, ua hoʻopaʻa hou ʻo Hanohano i ka nuʻukia o Pāuhi, kahi e paʻa ai ka manaʻo penei, na kēia hana e hoʻāla a hoʻoikaika i ka ʻōiwi ʻana o ka ʻōiwi nona ke kākau uhi, no ka mea, ʻo ka moʻokūʻauhau ke kumu o kēia hana.