Hoʻākea Source Nā Moho Lanakila (MH 2024)

Nā Mea ʻOhe

G. ʻUmi Kai
Moho Lanakila No Ka MH 2024

Hōʻike aku ʻo Kumu ʻUmi i ka ʻike i pili i ka ʻohe a me kona waiwai he pae kino, he pae moʻomeheu, a he pae ʻuhane ma Hawaiʻi. ʻO nā mea e kūkā ʻia ana, ʻo ia nō ka hoʻokamaʻāina i ka hiʻona o ka ʻohe Hawaiʻi a me ke ʻano e ʻohi kūpono ʻia ai kēia ʻano ʻohe. Pēlā pū me kona mau pono ma nā ʻano he mea hana no ka ʻoki a me ke kāpala, he huewai, he hano ihu, he pū, a he mea hula. Aʻo aku kēia papahana i ka ʻike ma ka hana lima a nā haumāna, a lana ka manaʻo, e hoʻoili ʻia aku ana kēia ʻike—mai kēia hoʻomaʻamaʻa ʻana mai—ma luna o nā kānaka ʻē aʻe ma hope aku.

---

ʻO Gordon ʻUmialīloalāhānauokalākaua King Kai, ua hānau a hānai ʻia ʻo ia ma Kaimukī, Oʻahu, a hoʻomaka ʻo ia i ke kālai mea Hawaiʻi ma ke kula kiʻekiʻe i ka MH 1967, a mau nō kāna hana pēlā i kēia wā. Ua hana ʻo ia i nā papahana no ka Hale Hōʻikeʻike ʻo Bihopa, ka Hale Hōʻikeʻike ʻo Peabody, ka Hale Hōʻikeʻike ʻo Cook, ka Hale Hōʻikeʻike Hula i Iāpana a no nā mea ʻohi mea kahiko Hawaiʻi kekahi.

ʻĀnō, ʻo kēia ka pelekikena o ʻAha Kāne, ka ʻōlohe lua o Pā Kuʻi a Lua, he kupuna o ka Hale Mua o Kualiʻi, a he lālā o Nā Lehua Kūmakua.

umikaikompany.com

Nā Lei Lanakila:

• Jennifer Easton Community Spirit Award 2021
  
• Hoʻokahiko Award na Duke’s Waikīkī 2019
  
• Nā Mamo Makamae o ka Poʻe Hawaiʻi Awardee 2019
  
• MAMo Awardee na PAʻI Foundation
  
• Educator of the Year na Native Hawaiian Education Association (2016)
  
• Fellowship Award na Native Arts and Culture Foundation
  
• Masters Program na Hawaiʻi State Culture and the Arts