Hoʻākea Source Nā Moho Lanakila (MH 2024)
Nālamakūikapō Ahsing & Kamehanaokalā Taylor
ʻili
Kalikopuanoheaokalani Aiu
the infinite belongs to us
Bradley Capello & Madelyn Biven
ʻĀINAVIS
Sean Connelly
Welcome to Here
Kainoa Gruspe
Sovereign
Sancia Miala Shiba Nash & Noah Keone ViernesMoho Lanakila no ka MH 2024
ʻO Sovereign (2022 -), ke alakaʻi ʻia e Noah Keone Viernes me Sancia Miala Shiba Nash, he kiʻiʻoniʻoni lōʻihi hōʻike ʻoiaʻiʻo nō ia i pili iā Keʻeaumoku Kapu, he Kanaka ʻŌiwi, he alakaʻi kaiaulu, he mea hoʻouluulu, a he kahu no Nā ʻAikāne o Maui. Kālele ke kiʻiʻoniʻoni i ko Kapu kaua he 20 makahiki me ko ʻAmelika ʻōnaehana ʻaha hoʻokolokolo no ka hoʻihoʻi ʻia ʻana o kona ʻāina kuleana ma ke awāwa o Kauaʻula ma Maui. He hōʻike ʻo Sovereign i ke kūpaʻa o kekahi ʻohana, ka mea nāna ka hana e kū me he kukui pio ʻole lā no nā hanauna hou e ʻimi ana i ka pono o ka ʻāina me ka wai.
ʻO Noah Keone Viernes, Ph.D., he Kanaka Maoli ʻo ia, a he mea hana kiʻiʻoniʻoni, he mea hoʻokani pila, a he kumu ʻo ia, a ʻo Punaluʻu, Kaʻū kona ʻāina kupuna. Ua hānai ʻia ʻo ia ma Hawaiʻi, Nūioka, Kikako, me Kalolaina Hema. Mai ka MH 2013 aku, ua noho ʻo ia me he lālā kumu lā ma ke Keʻena Noiʻi Honua ma Akita International University ma Tōhoku, Honshu, Iāpana, kahi āna e aʻo aku ai i nā papa i pili i ka manaʻo politika a me ka moʻomeheu e ʻike maka ʻia. Nānā kāna hana i ka hiʻona o ke kūʻē ʻana, ke ʻano kiʻiʻoniʻoni kūikawā, a me ka pilina ma waena o ka hana politika, ka nohona i pili i nā kani, a me ka hana kiʻiʻoniʻoini ma ʻAkia Hikina hema a ma Hawaiʻi hoʻi.
ʻO Sancia Miala Shiba Nash kekahi mea hana kiʻiʻoniʻoni, a he mea hana noʻeau ʻo ia no Kīhei, Maui, a ʻo ka pae ʻāina Kepanī kona ʻāina kupuna, a ke noho a hana nei ʻo ia ma Honolulu, Oʻahu. Ma o ka pāpaho i pili i ka wā, hōʻike aku ʻo Sancia Miala i nā moʻolelo ʻāina he pae like ʻole. Alakaʻi ʻia kāna hana e nā moʻolelo i haʻi waha ʻia, nā waihona palapala kahiko, a me ka hana unuhi ʻana. ʻĀno, ke kōkua nei ʻo ia i ka hoʻopūnaewele me ka hoʻonohonoho ʻana i ka ʻohina kiʻiʻoniʻoni nui ʻo Nā Maka o ka ʻĀina (na Joan Lander me Puhipau). I ka MH 2020, ua hoʻokumu ʻo Sancia Miala me kona kōkoʻolua ʻo Drew Kahuʻāina Broderick i “kekahi wahi,” he papahana kiʻiʻoniʻoni kūʻokoʻa no ka hoʻopaʻa wikiō ʻana i ka loli ʻana ma Hawaiʻi a me ka Moananui.