Hoʻākea Source Nā Moho Lanakila (MH 2024)

ʻili

Kalikopuanoheaokalani Aiu
Moho Lanakila no ka MH 2024

ʻO ʻili kekahi papahana he mau pāpaho like ʻole e hui ai ka hana a nā mea noʻeau/nā mea hana kuʻuna ma ka pae he pāheona a he hoʻomana, a ʻo ka hopena, ʻo ia nō nā hōʻike hulahula ʻelua i mua o ke anaina. ʻO ka piko o ka hulahula, ʻo ia ke kiʻina hana ʻōiwi he Hawaiʻi a he Pilipino, a e hōʻike ʻia ana nā hiʻona ōiwi ma ke kaʻina hana a me ka hua hope loa o ka hana.

---

ʻO Kalikopuanoheaokalani Aiu, he māhū ʻo ia, a he mea hulahula bakla, he haku hulahula, he mea kākau, he mea hana noʻeau pāpaho like ʻole, a he mea hoʻonohonoho kaiaulu i hānai ʻia ma ka Moku Honu, a ke noho nei ʻo ia ma Pūowaina, Oʻahu. Ua puka ʻo Aiu mai ke Kulanui o Hawaiʻi ma Mānoa (UHM) i ka MH 2021 me nā kēkelē he BFA ma ka hulahula a he BA ma ka ʻōlelo Pelekāne, a ua kākau ʻo ia i palapala nui he kūlana kiʻekiʻe i pili i ke kaʻina hana o ka hulahula ma ke ʻano he kuleana. Ma hope pono o kona puka kula ʻana, ua hoʻokumu a alakaʻi ʻo ia i Ka Hui Hoʻokino Hālāwai (KHHH), he hui no nā hanana a me nā mea he māhū. ʻĀnō, ke hoʻokino nei ʻo ia i hui hou ʻo Nā Maka ʻEkolu (NM3) i hoʻokumu ʻia no ka poʻe he MVPFAFF, he kahuna lapaʻau, a he haʻi moʻolelo, ma ka wā e huakaʻi nei ke kaiaulu no ke kiaʻi a me ka hoʻihoʻi ʻana i ka ʻāina me ka wai i ʻaihue ʻia.

Ma ke ʻano he mea poema ma o ka hulahula me nā pāpaho like ʻole, na kā Aiu hana e hōʻike i kēia mau mea he ʻiʻini, he gender, he haliʻa kupuna, he mālama kaiaulu, he hiki, he hana ʻāina, he kiaʻi ʻāina, he kaona, he hoʻokino, he wai, he hoʻomana, a he noiʻi i ka hoʻopā kino ʻana ma ke ʻano he ʻike waiwai. ʻO kāna hana he noʻeau a he lapaʻau, a nā ia hana nō i hoʻihoʻi mai i kēia i ke kiaʻi ʻāina a me ka hana noʻeau ʻana no ka ʻāina a me kona pilina me ke kino kanaka.

I nā makahiki i hala aku nei, ua hulahula ʻo Aiu no nā kiʻiʻoniʻoni pōkole i hoʻokumu ʻia i ka ʻāina, a ua kūkulu kaiaulu ʻo ia no ka poʻe he LGBTQIA, he MVPFAFF, a he queer ma Hawaiʻi me ka Māhūi, he hui ma lalo o ko Hawaiʻi LGBT Legacy Foundation. Eia hoʻi, mau nō kona hoʻomalu ʻana i nā ʻaha hulahula ʻo Māhū Mix a me nā hālāwai hana no nā māhū ma Hawaiʻi.